Yapon avtomobil kompaniyalari yangi modellarning rivojlanishini tezlashtirmoqda, Nissan ehtiyot qismlar turlarini 70% ga kamaytirishni rejalashtirmoqda

Yaponiya Kyodo News xabariga ko‘ra, Yaponiyaning avtomobil ishlab chiqaruvchilari butun dunyo bozoriga yangi modellarning tezroq chiqishini ta’minlashda raqobatchilar bilan hamnafas bo‘lish va doimiy o‘zgarib borayotgan mijozlar ehtiyojiga yaxshiroq javob bera olish uchun avtomobilni ishlab chiqish vaqtini qisqartirishga kuchaytirilgan e’tibor qaratmoqda. Toyota, Honda, Nissan hamda boshqa yapon avtomobil kompaniyalari odatda yangi model ishlab chiqishda to‘rt-besh yil vaqt sarflashi kerak bo‘lardi. Islohotlarning bir qismi sifatida, Nissan o‘zining yangi oilaviy avtomobil ishlab chiqish strategiyasi orqali ishlab chiqish muddatini sezilarli darajada qisqartirishni mo‘ljallagan. Kompaniya bir o‘lchamdagi bir nechta modellar uchun yagona platforma ishlab chiqadi. Bu yangi mahsulot strategiyasi kompaniyaning butun dunyo bo‘yicha sotuvlarining 80% qismini qamrab oladi va ehtiyot qismlar turini 70% ga kamaytirishi kutilmoqda. Jahonda eng ko‘p savdo qiluvchi avtomobil ishlab chiqaruvchi Toyota ham mijozlar ehtiyojiga mos ravishda ehtiyot qismlar turini qisqartirishga harakat qilmoqda, chunki ehtiyot qismlar sonining kamayishi ishlab chiqarish samaradorligini oshiradi va tadqiqot hamda ishlab chiqish ishlarini tezlashtiradi. Toyota mazkur rejani “Area 35” deb atadi va uni amalga oshirish orqali zavodlarda yer maydonlaridan foydalanish darajasini 35% ga oshirishni maqsad qilgan. Suzuki ishlab chiqaruvchi kompaniya esa hozirgi ishlab chiqish muddatini yarmiga qisqartirib, taxminan ikki yilga tushirishni rejalashtirmoqda, Mitsubishi Motor ham 2030-yilga borib ishlab chiqish tsiklini 20% ga qisqartirib, uch yilga tushirishni maqsad qilmoqda.