BNB Chain keçmiş bir işçi tərəfindən yaradılan ASTEROID adlı memecoin ilə heç bir əlaqəsinin olmadığını bildirib. Şirkət bildirib ki, həmin şəxs icazəsiz əldə etdiyi seed phrase istifadə edərək yeni şəxsi açar yaradıb və eyni cüzdan ünvanından tokenlər buraxıb.
Hadisənin kökü əvvəllər buraxılan TST tokeninə gedib çıxır. BNB Chain-in məlumatına görə, keçmiş işçi şirkətdə işləyərkən, video təlimat hazırlamaq üçün rəsmi test cüzdanından istifadə edərək yeni cüzdan ünvanı yaradıb və həmin ünvandan TST token buraxıb.
Bildirilir ki, şirkətdən ayrıldıqdan sonra da həmin işçi müvafiq seed phrase-ə icazəsiz çıxışını davam etdirərək bu məlumatdan istifadə edərək yeni şəxsi açar yaradıb. Məlum olub ki, həmin ünvan 1 avqust tarixində BNB Chain üzərində ASTEROID adlı yeni memecoin-in paylanmasında istifadə olunub.
ASTEROID token-in bazar dəyərinin buraxılışının ilk dörd saatında qısa müddətə 10 milyon dollara çatdığı bildirilib.
BNB Chain aydınlaşdırıb ki, ASTEROID adlı altcoin şirkət tərəfindən yaradılmayıb, təsdiqlənməyib və ya təbliğ olunmayıb. Şirkət həmçinin bildirib ki, tokenə və əlaqəli cüzdan ünvanına nəzarət etmir və layihə BNB Chain tərəfindən dəstəklənmir.
Bəyanatda qeyd edilib: “BNB Chain bu tokenin yaradılmasında iştirak etməyib, onu təsdiqləməyib və dəstəkləməyib. Biz həmin tokenə və ya cüzdan ünvanına nəzarət etmirik.”
BNB Chain keçmiş işçiyə qarşı hüquqi tədbirlər başladığını və məsələ ilə bağlı müvafiq dövlət orqanları ilə əməkdaşlıq etdiyini elan edib.
